(1) Suryoday se purva, brahmamuhurta me,sokar uthna tatha raat me jaldi sona aur gahri nindra ka anand uthana(buddhi,swasthya evam dirghayu ki prapti ke liye); (2) Kum-se-kum 15 min. gahre shwas wale sharirik vyayam jaise daudna,tairna,choost chal se tahalna,surya-namaskar,dand-baithak athava yogasan-pranayam me se kisi 1 ka niyamit abhyas karna (fefdonko swasthya rakhane tatha samanya rakta-sanchalan ke liye); (3) khaneki chijon ko peena aur peene ki chijon ko khana arthat pratyek gras ko khub (kum-se-kum 32 bar) chaba-chabakar khana tatha peya padarth ko ghunt-ghunt kar ke pina.Niyamit samay par tatha bhukh se kuch kam khana aur shakahari evam satvik bhojan ko apnana (rakta ki vruddhi tatha acchi pachan shakti ke liye); (4) Manasik tanav,chinta evam krodh se bachna aur iske bajay mann ko shant rakhne aur prasannachitta rahne ki aadat dalna, nashili vastuon aur visheili davaon ke sevan ka tyag kaaur kum-se-kum nitya 15 min.dhyan,jup ya swadhyay karna, (manasik swasthya ke liye tatha raktachap, cancer,hriday-rogon aur mansik rogon se bachane ke liye) (5) Ati (exess) se bachna aur avashyakta se adhik khane-peene,bolne,samay aur paisa kharch karne se bachna (jeevan me samanya[normal] rahne ke liye)