Raat ko sote samay 2 kali harad ka churna ki fanki lekar 250gm dudh pite rahne par koi bimari nahi hoti. kam se kam saptah me 1 bar le. Vishesh-kaali harad halka virechak hai. Yaha baat pitt aur cough se utpanna doshon ko aur balgum ko pakhana dvara nikaal deti hai. Harad sharir se rog ke ansh ko nikalti hai aur rog se mukabla karne ki shakti deti hai. Harad ka mukhya kaam sharir ke sabhi angon se anavashyak padarthon ko nikal kar pratyek ang yatha hruday, mastishk, pet, rakt adi ko prakrutik dasha me niyamit karna hai. Isi kaaran harad ka sevan karne wala bimariyon se bacha rehta hai. (2) Rojana raatko sote samay sevan karne se funsiya,dane aur muhanse adi nahi nikalte. Funsiyon par harad pis kar lep karne se ve thik ho jate hai. (3) Bal-buddhi badhane ke athava mal-mutra saaf lane ke liye ise bhojan ke sath khaye, bhojan pachane ke liye , jukaam , flu, vaat evam cough vikaar me bhojan ke bad khaye. (4) Harad chabake khane se bhukh badhti hai. Piskar churna khane se pet saaf hota hai. Ubalkar (bhap me pakakar) khane se dastt band hote hai aur mal bandhata hai.Bhoonkar khane se vat, pitt aur cough --tridoshon ko samapt karti hai. (5) Varsha rutu me sendha namak ke saath, sharad rutu me shakkar ke saath,hemant me saunth ke saath , shishir me peepli ke saath,vasant me madhu ke saath (shehad) tatha grishma me gud ke saath harad ka chunna khana chahiye. (6) Arsha arjiran, gulm, vaat rakta tatha shoth me harad-churna gud ke sath dene se labh hota hai. Visham jvar me madhu ke sath amlapit ,raktapit, jirna-jvar me munakka ke sath ,slipad,daad,khaj, pandu rog me gomutra ke sath,.amvat, antravruddhi (hernia) ,vrushan vruddhi par arandi ke tel ke sath lena chahiye. Bal vruddhi ke liye harad-churna ko lohe (lokhand) ke patra me ratri ko chupad kar prataha ghee aur madhu ke sath khane se balvruddhi tatha samasta dhatuon ki prushti matra-1gm se 3gm tak. Savdhani----Durbal, thake,patle,vrut wale(fasting) Garam prakruti wale,garbhavati stri ko iska upayog savdhani se karna chahiya Vikalp----300gm pani (1glass) me 3 chammach trifala ka mota-mota kuta hua churna dal kar rat me bhigo de. Prataha churna sahit pani ko 2 min. ubalae. Is triphala ki chai ko chaan kar pine layak garam rehne par pile. Mithe ke liye usme shahad ya mishri mila sakte hai. Is prayog ke saath satvik bhojan kiya jaye to jeevan paryanta doctoron aur davaiyon ke chakkar se mukta rehkar aap apna svasthya kayam rakh sakenge. sath hi aur fayade ke liye aasan-pranayam kar sakte hai. (1) uttan padasan (2) bhujangasan (3) vajrasan (4) savasan (5) bhraman pranayam niyamit abhyas vyakti ko bina 1 paisa kharch kiye Aur bina kisi aaaaushadhi sevan ke sadaiv swastha , sundar evam karyaksham (Fit) banaye rakhne tatha doctoron aur davaiyon ke chakkar se bachane ka sahaj vishvasniya upay hai. Iske liye keval 15 min. pratidin dena paryapt hai.